Egill Helgason spurði dr. Elviru Méndez Pinedo þessarar spurningar í Silfri Egils 21. mars:
Elvira svaraði því játandi en viðtalið í heild má skoða hér því hlekkur RÚV virkar ekki lengur.) Egill ræddi líka við Njörð P. Njarðvík 25. apríl og fékk mjög skýr svör: Njörður sagði m.a.: "Ég held að þjóðin sé ennþá í hálfgerðu áfalli eftir þessa skýrslu; ég veit ekki hvort að hún er búin að gera upp við sig í raun og veru hvað hún getur gert. Ég get náttúrulega ekki rekið stjórnmálamennina og ekki þú heldur, og eiginlega ekki þjóðin, nema þá með einhverjum sérstökum aðferðum. En ég held að það sé ljóst, eða fyrir mér er það að minnsta kosti ljóst að stjórnmálamenn hafa brugðist, bæði ríkisstjórnir og þingmenn, og ég leyfi mér nú að segja forsetinn líka. Og hvað eigum við þá að gera? Eigum við að láta eins og ekkert sé? Þess vegna finnst mér að við verðum bókstaflega að efna til stjórnlagaþings og semja nýja stjórnarskrá fyrir nýtt lýðveldi. Að byrja upp á nýtt frá grunni." http://dagskra.ruv.is/sjonvarpid/4472561/2010/04/25/4/ (viðtalið fylgir sem viðhengi ef hlekkurinn virkar ekki) Ágúst Þór Árnason spurði Ragnar Aðalsteinsson, hrl.: "Er ekki bara allt í lagi með stjórnarskránna?"
Ragnar svaraði: "Nei, satt að segja, þá er ekki allt í lagi með hana og það er að sjálfsögðu kominn tími til að við setjumst niður og semjum okkar eigin lýðveldisstjórnarskrá. Það er að mínu viti brýn nauðsyn að þeir sem hér búa í þessu landi eigi sér sína eigin stjórnarskrá. Þeir hafa ekki átt hana fram að þessu. Við höfum átt þessa stjórnarskrá sem konungurinn lét okkur í té á sínum tíma. Við höfum aðlagað hana að litlu leyti að lýðveldisstofnuninni 1944 og gert smá breytingar síðan, en við höfum ekki reynt að spegla okkur í okkar eigin stjórnarskrá og þetta hefur leitt til þess að allt hefur farið hér á verri veg en ella og kannski er stjórnarskráin völd að því að nokkru leyti að lýðræði hefur ekki þróast hér með eðlilegum hætti.
Það má hlusta á þetta stórfína viðtal frá 15. mars 2009 hér í heild sinni.
--------------------------------------------------------------------------------------------
79 gr. stjórnarskrárinnar segir til um breytingar á stjórnarskrá: Tillögur, hvort sem eru til breytinga eða viðauka á stjórnarskrá þessari, má bera upp bæði á reglulegu Alþingi og auka-Alþingi. Nái tillagan samþykki, skal rjúfa Alþingi þá þegar og stofna til almennra kosninga að nýju. Samþykki Alþingi ályktunina óbreytta, skal hún staðfest af forseta lýðveldisins, og er hún þá gild stjórnskipunarlög. Nú samþykkir Alþingi breytingu á kirkjuskipun ríkisins samkvæmt 62. gr., og skal þá leggja það mál undir atkvæði allra kosningarbærra manna í landinu, til samþykktar eða synjunar, og skal atkvæðagreiðslan vera leynileg. Nú þarf að hafa í huga að í raun og veru er um 2 ólíkar leiðir að ræða: Að breyta núgildandi stjórnarskrá eða útbúa nýja.
Það er því ekki að ástæðulausu að bæði Sameinuðu þjóðirnar og Evrópusambandið hafi stofnanir til ráðgjafar og aðstoðar þegar svona ástand skapast, sjá Venice Commission. |
Þurfum við nýja stjórnarskrá? |